Dwadash Jyotirling Stotra । द्वादश ज्योतिर्लिंग स्तोत्र

द्वादश ज्योतिर्लिंग स्तोत्र (Dwadash Jyotirling Stotra)

एक संस्कृत भाषा की रचना है।  जिसमे परम कृपालु भोले बाबा अर्थात श्री शंकर भगवान के 12 ज्योतिर्लिंगों की स्तुति की गयी है। यह कल्याणकारी एवं प्रतिदिन पठन करने योग्य अतिसुन्दर योग्य स्तोत्र है।

Dwadash Jyotirling Stotra (लघु स्तोत्रम्)

dwadash jyotirling stotra sanskrit lyrics-द्वादश ज्योतिर्लिंग स्तोत्र

सौराष्ट्रे सोमनाथम् च श्रीशैले मल्लिकार्जुनम्‌।

उज्जयिन्यां महाकालम् ॐकारम् ममलेश्वरम्‌ ॥1॥

पूर्वोत्तरे प्रज्वालिकानिधाने वैद्यनाथम् च डाकिन्याम् भीमशङ्करम् । सेतुबन्धे तु रामेशम् नागेशम् दारुकावने ॥2॥

वारणस्याम् तु विश्वेशं त्र्यम्बकं गौतमी-तटे। हिमालये तु केदारं घृष्णेशम् च शिवालये ॥3॥

एतानि ज्योतिर्लिंगानि सायं प्रातः पठेन्नरः। सप्तजन्मकृतं पापं स्मरणेन विनश्यति ॥4॥

॥ इति द्वादश ज्योतिर्लिंग लघु स्तुति संपूर्णम्‌ ॥

द्वादश ज्योतिर्लिंग स्तोत्र (बृहद स्तोत्रम्) प्रारम्भ 

द्वादश ज्योतिर्लिंग स्तोत्र

सौराष्ट्रदेशे विशदेऽतिरम्ये ज्योतिर्मयं चंद्रकलावतंसम् ।
भक्तप्रदानाय कृपावतीर्णं तं सोमनाथं शरणं प्रपद्ये ॥ 1 ॥

श्रीशैलशृंगे विविधप्रसंगे शेषाद्रिशृंगेऽपि सदा वसंतम् ।
तमर्जुनं मल्लिकपूर्वमेनं नमामि संसारसमुद्रसेतुम् ॥ 2 ॥

अवंतिकायां विहितावतारं मुक्तिप्रदानाय च सज्जनानाम् ।
अकालमृत्योः परिरक्षणार्थं वंदे महाकालमहासुरेशम् ॥ 3 ॥

कावेरिकानर्मदयोः पवित्रे समागमे सज्जनतारणाय ।
सदैव मांधातृपुरे वसंतं ॐकारमीशं शिवमेकमीडे ॥ 4 ॥

पूर्वोत्तरे प्रज्वलिकानिधाने सदा वसं तं गिरिजासमेतम् ।
सुरासुराराधितपादपद्मं श्रीवैद्यनाथं तमहं नमामि ॥ 5 ॥

यं डाकिनिशाकिनिकासमाजे निषेव्यमाणं पिशिताशनैश्च ।
सदैव भीमादिपदप्रसिद्धं तं शंकरं भक्तहितं नमामि ॥ 6 ॥

श्रीताम्रपर्णीजलराशियोगे निबध्य सेतुं विशिखैरसंख्यैः ।
श्रीरामचंद्रेण समर्पितं तं रामेश्वराख्यं नियतं नमामि ॥ 7 ॥

याम्ये सदंगे नगरेऽतिरम्ये विभूषितांगं विविधैश्च भोगैः ।
सद्भक्तिमुक्तिप्रदमीशमेकं श्रीनागनाथं शरणं प्रपद्ये ॥ 8 ॥

सानंदमानंदवने वसंतं आनंदकंदं हतपापबृंदम् ।
वाराणसीनाथमनाथनाथं श्रीविश्वनाथं शरणं प्रपद्ये ॥ 9 ॥

सह्याद्रिशीर्षे विमले वसंतं गोदावरितीरपवित्रदेशे ।
यद्दर्शनात् पातकं पाशु नाशं प्रयाति तं त्र्यंबकमीशमीडे ॥ 10 ॥

महाद्रिपार्श्वे च तटे रमंतं संपूज्यमानं सततं मुनींद्रैः ।
सुरासुरैर्यक्ष महोरगाढ्यैः केदारमीशं शिवमेकमीडे ॥ 11 ॥

इलापुरे रम्यविशालकेऽस्मिन् समुल्लसंतं च जगद्वरेण्यम् ।
वंदे महोदारतरस्वभावं घृष्णेश्वराख्यं शरणं प्रपद्ये ॥ 12 ॥

ज्योतिर्मयद्वादशलिंगकानां शिवात्मनां प्रोक्तमिदं क्रमेण ।
स्तोत्रं पठित्वा मनुजोऽतिभक्त्या फलं तदालोक्य निजं भजेच्च ॥

॥ इति द्वादश ज्योतिर्लिंग स्तोत्र संपूर्णम्‌ ॥


सम्बंधित जानकारी (इन्हे भी पढ़ने का प्रयास करे ) :

Leave a Reply

%d bloggers like this: